HK Rufijok – synek pochodzoncy z Rydułtów kole Rybnika. Do kultury wsionknył ok. 9 lot tymu ale z poczontku stoł biernie i suchoł… W końcu chyciył sie malowanio, ale że po czasie nie było już kompli do szkryflanio to wzion sie za pisanie śpiywek…Piyrsze teksty zaczynoł pisać kajś 5 lot tymu, ale że nie szło tego kaj nagrać to zaś to na połtora roku zostawiył. Przełomym w bani tego pierona było posłuchanie płyty HST ”Na Językach”(WIELKI SZACUN DO HASTA!). Tyn materiał doł mu do zrozumiynio, że jak chce rapować to ino z elymyntami naszyj godki, i tak zaś w nim muzykowani odżyło. Jedyny problym to był tyn, że dali nikaj nie szło tego zgrać, z kuli tego masa materiału kurzyła sie w szuflodach. Pod koniec roku 2007 poznoł dwóch synkow z Rybnika (Dzieci Buntu) kierzi pomogli mu w realizacji produkcji. I terozki sie zaczło….Zrobiył do kupy z nimi ich 3 nielegal ”Jak Jest” i równolegle ukuloł se swoje demko ”SZYBKI SZPIL”. Z biegiym czasu zaczon poznować różnych ludzi mających ta samo bania na rapy. W końcu sie synek rozkuloł i zaczon zgrywać konski w coroz lepszyj jakości. Terozki Rufijok współpracuje na stałe z Gajosem z WUEM i je z tego zadowolony, ponagrywoł pora fitów z fachmanami z Rybnika i okolic (m.in. 5 Żywioł, Beeloka, Gajos, Gorol). Na dziyń dzisiejszy wsionkniynty w rybnickie podziymie ogarnio se swoje piyrsze LP. Z kuli tego że nie chce sie śpiychać robocie prziświynco hasło POMAŁU A SZTYJC !

http://www.myspace.com/hkrufijok86